محمد زكى حسن
New member
- إنضم
- 25 أغسطس 2007
- المشاركات
- 9
- مستوى التفاعل
- 0
- النقاط
- 0
الصبر مفتاح الختم(الجزء الثانى)
لـ محمد زكى حسن
خرج صبرى من مكتب موظف الختم و هو فى قمة الغيظ والغليان ، جلس أمام سكرتير المدير يشرح له الموضوع و هو يرسم على وجهه الأبتسامه الأجباريه
السكرتير: مش كنت تأخذ بالك يا أخ صبرى
صبرى : معلش يا أفندم غباء تقول أيه
السكرتير : خذ الورقه دى و أكتب .... السيد مدير عام المصلحه عن يوم الأربعاء
صبرى : أفندم ... هو مدير يوم الأربعاء مختلف عن باقى الأسبوع
السكرتير(يزفر بغيظ) : لو كل واحد يخليه فى حاله .
صبرى: معلش يا بيه خدامك صبرى فهمه بطئ.
السكرتير: أفهمك ..... لأن الضبع بيه و الشجيع بيه ليهم نفس الحق فى منصب المدير ، و محدش فيهم عايز يتنازل ، فالسيد وكيل الوزارة ربنا يستره حلها بعبقرية و أصدر قرار إن الشجيع بيه يكون مدير الأحد و الثلاثاء و الخميس
صبرى : والضبع بيه السبت والثنين و الأربعاء ... فهمتها .. فعلاً حل وكيل وزارة
صبرى أكمل كتابة الطلب وأعطاه للسكرتير
السكرتير : هات باقى الورق .
صبرى : ليه
السكرتير: يمكن المدير يحب يقيس المسافه بين الأمضاء و مكانه الأصلى بالضبط .
صبرى : يا سلام على الدقه ... فعلاً فاتتنى دى ... أتفضل الورق .
وخرج صبرى من المصلحة و هو يكاد ينفجر من الضحك والغيظ .
وضع السكرتير ورق صبرى فى ملف الأوراق ليعرضه على المدير و لكن المدير قرر الإنصراف فأجل السكرتير عرض الأوراق لليوم التالى .
...... فى صباح اليوم التالى دخل الشجيع حجرة المكتب ويبدو عليه علامات الوقار ودق الجرس وطلب الأوراق اليوميه من السكرتير فأخذ السكرتير مجموعة الملفات ودخل على الشجيع حجرة المكتب .
الشجيع : أيه يا أبنى ريحة المكتب وحشه كده ليه هو الراجل الضبع ده ما بيسحماش
السكرتير : يا أفندم أنا رشيت معطر
الشجيع : شفت حتى المعطر مش مأثر ... هات البوسطه خلينا نخلص .
يضع السكرتير الملفات على المكتب أمام الشجيع فأخذ يطلع على الأوراق فيوافق أو يرفض حتى وصل لأوراق صبرى فنظر فيه بقوة ....... و خبط المكتب بقوة وقام من مكانه فإرتعد السكرتير
السكرتير : فيه أيه يا باشا
الشجيع : و كمان بتقول فيه أيه يا سكرتير ياعميل الضبع
السكرتير: هو فيه أيه
يأتى صوت صبرى من الخارج
الشجيع(بصوت مرتفع): شوف مين بره الأول
صبرى(يدخل) : دا أنا صبرى أيوب و كنت جيت أمبارح عش........
الشجيع (صارخاً) : هو أنت
صبرى(مبتسماً) : هو فيه أيه يا باشا و أيه بس اللى معكر مزاج سعادتك صحتك أهم
الشجيع : أزاى يجيلى طلب مكتوب فيه السيد مدير يوم الأربعاء و أنا مدير الخميس
كاد صبرى ينفجر من الضحك و لكنه تملك نفسه وأكتفى بإبتسامة
صبرى : و لا تزعل نفسك ... أقعد يابيه و أهدى يغور الطلب بتاعى ربنا يخليك لينا
و يأخذ الطلب الذى كتبه بالأمس ومزقه ، فزفر الشجيع بإرتياح
صبرى : نحمد ربنا على أرتياح سعادتك ..... و أستأذنك أمشى .
الشجيع : لا تعالى ...... أنت صعبت عليه قوى ،هو طلبك بخصوص أيه .
شرح صبرى الموضوع و هو يكاد يطير من السعادة لنجاح خطته لتهدئة الشجيع .
أخذ الشجيع الطلب من صبرى و وقع عليه كالتالى
" أنه مسافة ال 4 سم لا تحرج الكيان الحكومى أو تمس الأمن الدخلى أو الخارجى للبلاد قررنا الموافقة " توقيع الشجيع مير يوم الخميس.
أخذ صبرى الأوراق و كاد يطير من الفرح و ذهب لموظف الختم الذى كاد يجن لأن أحد المواطنين إستطاع إجتياز كل هذه الحواجز و ختم له فى النهاية .
و أخذ صبرى أوراقه المختومة بشعار الدولة وهو سعيد جداً أنه حقق المستحيل و كان هادئ طوال الوقت و ضحك على الحكومة وختم أوراقه.
أنتهت القصة
لـ محمد زكى حسن
خرج صبرى من مكتب موظف الختم و هو فى قمة الغيظ والغليان ، جلس أمام سكرتير المدير يشرح له الموضوع و هو يرسم على وجهه الأبتسامه الأجباريه
السكرتير: مش كنت تأخذ بالك يا أخ صبرى
صبرى : معلش يا أفندم غباء تقول أيه
السكرتير : خذ الورقه دى و أكتب .... السيد مدير عام المصلحه عن يوم الأربعاء
صبرى : أفندم ... هو مدير يوم الأربعاء مختلف عن باقى الأسبوع
السكرتير(يزفر بغيظ) : لو كل واحد يخليه فى حاله .
صبرى: معلش يا بيه خدامك صبرى فهمه بطئ.
السكرتير: أفهمك ..... لأن الضبع بيه و الشجيع بيه ليهم نفس الحق فى منصب المدير ، و محدش فيهم عايز يتنازل ، فالسيد وكيل الوزارة ربنا يستره حلها بعبقرية و أصدر قرار إن الشجيع بيه يكون مدير الأحد و الثلاثاء و الخميس
صبرى : والضبع بيه السبت والثنين و الأربعاء ... فهمتها .. فعلاً حل وكيل وزارة
صبرى أكمل كتابة الطلب وأعطاه للسكرتير
السكرتير : هات باقى الورق .
صبرى : ليه
السكرتير: يمكن المدير يحب يقيس المسافه بين الأمضاء و مكانه الأصلى بالضبط .
صبرى : يا سلام على الدقه ... فعلاً فاتتنى دى ... أتفضل الورق .
وخرج صبرى من المصلحة و هو يكاد ينفجر من الضحك والغيظ .
وضع السكرتير ورق صبرى فى ملف الأوراق ليعرضه على المدير و لكن المدير قرر الإنصراف فأجل السكرتير عرض الأوراق لليوم التالى .
...... فى صباح اليوم التالى دخل الشجيع حجرة المكتب ويبدو عليه علامات الوقار ودق الجرس وطلب الأوراق اليوميه من السكرتير فأخذ السكرتير مجموعة الملفات ودخل على الشجيع حجرة المكتب .
الشجيع : أيه يا أبنى ريحة المكتب وحشه كده ليه هو الراجل الضبع ده ما بيسحماش
السكرتير : يا أفندم أنا رشيت معطر
الشجيع : شفت حتى المعطر مش مأثر ... هات البوسطه خلينا نخلص .
يضع السكرتير الملفات على المكتب أمام الشجيع فأخذ يطلع على الأوراق فيوافق أو يرفض حتى وصل لأوراق صبرى فنظر فيه بقوة ....... و خبط المكتب بقوة وقام من مكانه فإرتعد السكرتير
السكرتير : فيه أيه يا باشا
الشجيع : و كمان بتقول فيه أيه يا سكرتير ياعميل الضبع
السكرتير: هو فيه أيه
يأتى صوت صبرى من الخارج
الشجيع(بصوت مرتفع): شوف مين بره الأول
صبرى(يدخل) : دا أنا صبرى أيوب و كنت جيت أمبارح عش........
الشجيع (صارخاً) : هو أنت
صبرى(مبتسماً) : هو فيه أيه يا باشا و أيه بس اللى معكر مزاج سعادتك صحتك أهم
الشجيع : أزاى يجيلى طلب مكتوب فيه السيد مدير يوم الأربعاء و أنا مدير الخميس
كاد صبرى ينفجر من الضحك و لكنه تملك نفسه وأكتفى بإبتسامة
صبرى : و لا تزعل نفسك ... أقعد يابيه و أهدى يغور الطلب بتاعى ربنا يخليك لينا
و يأخذ الطلب الذى كتبه بالأمس ومزقه ، فزفر الشجيع بإرتياح
صبرى : نحمد ربنا على أرتياح سعادتك ..... و أستأذنك أمشى .
الشجيع : لا تعالى ...... أنت صعبت عليه قوى ،هو طلبك بخصوص أيه .
شرح صبرى الموضوع و هو يكاد يطير من السعادة لنجاح خطته لتهدئة الشجيع .
أخذ الشجيع الطلب من صبرى و وقع عليه كالتالى
" أنه مسافة ال 4 سم لا تحرج الكيان الحكومى أو تمس الأمن الدخلى أو الخارجى للبلاد قررنا الموافقة " توقيع الشجيع مير يوم الخميس.
أخذ صبرى الأوراق و كاد يطير من الفرح و ذهب لموظف الختم الذى كاد يجن لأن أحد المواطنين إستطاع إجتياز كل هذه الحواجز و ختم له فى النهاية .
و أخذ صبرى أوراقه المختومة بشعار الدولة وهو سعيد جداً أنه حقق المستحيل و كان هادئ طوال الوقت و ضحك على الحكومة وختم أوراقه.
أنتهت القصة