• أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.

( تصرقع بلاا حدود )<<<قصه باللهجه البحرانيه

رد: ( تصرقع بلاا حدود )<<<قصه باللهجه البحرانيه

ههههههههههههههههههههههههههههههههههه

تكملة رووعة

كملي اختي حكايا

ننتظرش


لحظة صمت...!!
 
رد: ( تصرقع بلاا حدود )<<<قصه باللهجه البحرانيه

الاييييييييييييي
يالله ننتظر التكمل ياني متشوقة اعرف الباقي

يسلمو حبيبتي
 
رد: ( تصرقع بلاا حدود )<<<قصه باللهجه البحرانيه

ههههههههههههههههههههههههههههههه
يسلمووووووووووووووووووو
 
الجزء العاشر

يوم ثاني الصبح قعدت فخرية وراحت تقعد بتها من النوم..بس دخلت الحجرة وما شافتها .. طقت باب الحمام بس محد يرد ..فتحت الباب وما شافت احد ..نزلت تحت الصالة وراحت المطبخ بعد ما شافتها..خافت فخرية على بتها.. ما تدري وينه راحت

وشوي الا طالعة الجدة من حجرتها وتطالع فخرية اللي تدور في البيت مثل المجنونة وهي خايفه على بتها

الجدة: ويش فيش فخروو تراكضين من قرنة لقرنة مثل المجنونة

الأم فخرية: عمتي الحقي عليي بتي زهرة ضاعت مني

الجدة: ضاعت!!!
الأم فخرية: ايي ضاعت ماني محصلتنها في البيت وينه راااحت

الجدة: بتش اكي في حجرتي نايمة

الأم فخرية باستغراب: في حجرتش!! وش اللي وداها حجرتش

الجدة: من امس نايمة ايايي هي

الأم فخرية: زهرة نايمة ايااش غريبة!!

الجدة: لا غريبة ولا شي واني جدتها وهي بت ولدي يعني حقويش ما تنام اييايي

الأم فخرية : عجل بروح اقعدها

وراحت فخرية تقعد بتها من النوم..

الأم فخرية: زهرة زهرة قومي روحي المدرسة

زهرة قامت وشافت روحها في حجرة جدتها..

زهرة: امااه اني حقويش نايمه هني!!

الأم فخرية: يووو اسم الله عليش يا بتيي ويش فيش عفر انتين امس نايمه ويه جدتش له!!

زهرة تذكرت اللي صار: ايي صح..انزين الساعة جم الحين؟؟

الأم فخرية: الساعة 6

زهرة: ويلي الساعة 6 وحقويش ما قعدتوني قبل الامتحااان الامتحاان بيطوفني

الأم فخرية: قومي بدال هالهدرة بدلي ثيابش وروحي المدرسة

زهرة: ايي يا ويلي نسيت كلشي بقوم اتلحق على عمري واراجع من جديد لا ارسب يا علي ياعلي اخر سنة واخر امتحان اليوم وبنفتك

الأم فخرية: أي ونعرسش مرة وحدة ونفتك منش

زهرة: ويه ويه ويه ويه ومن قال ليش ابي اعرس، لكن اني الحين مو فاضية بروح اقدم امتحاني قبل لا انسى كل شي بسبتش وبعدين نتكلم في هالموضوع

الأم فخرية: اللي يقول عاد بمشي على رايش اني روحي يلا ما باقي شي ويجي الباص


في المدرسة
في قاعة الامتحان


المعلمة: هدووء يا بنات الاوراق بتتوزع وأي وحدة تغش أو تحاول تغش راح نسوي لها محضر غش وتروح ورقتها للجنة خاصة وبعدين انتين بتتحملين المسؤولية

زهرة: حشى حشى محضر وبيودونا الشرطة بعد

زينب: أي ياختي وعفر بيودونا الآداب اذا غشينا خلاص عجل اني ما بغش قوانين جديدة مطلعين لينه

زهرة: صدق جبن هم كل سنة يقولون هالكلام عفر انتين نايمه ولا يسوون شي بعد

زينب: صدق !! عبالي قوانين جديدة

زهرة: مو منش من الامتحان اللي مو مخلي ليش حواس ياختي

المعلمة تأشر على زينب وزهرة: اللي هنيي كلمة ثانية وبتنحرمون من الامتحان مفهووم

سكتووا البنات وتوزعت الاوراق..طبعاً اليوم أخر يوم في امتحانات الثانوية وزينب وزهرة آخر سنه يعني الله يستر...من استلموا الاوراق قعدت كل وحدة تعصر في مخها لعل وعسى يطلع شي <<< امتحانات الوزارة الصراحة مو امتحانات وخصوصاً العلمي ما ادري من وين من المريخ يجيبون الاسئلة "طاااااااااح حظهم"...
وعند سؤال من الأسئلة زهرة شيرت فيه وما عرفت وش تسوي والمشكلة الأعظم أنه السؤال تندرج معاه أسئلة يعني تقريباً صفحة ونص ويا ويلتاااه إذا ما حلته طارت نص الدرجة..

زهرة في خاطرها وهي شوي وتصيح: يا علي ويش أسوي ماني عارفة.. يا علي ابن أبي طالب يا حلال المشاكل ياعلي بطني يعورني ويش أسوي بصيييح...

وزينب من الصوب الثاني في خاطرها: وناايبه تنيب الوزارة حرييييقة وش هالسؤال بعد!!

وكل وحدة ترتجف من هالسؤال ماليه حل..اللي نزل عليها الوحي حلته والباقي كلمة مني وكلمة مني ويقولون انحل أما ناس ما تعبووا روحهم ولا شي سلمووا الورقة وطلعووا من القاعة والبوز مشقوق<<< ضامنين النجاح عفر

وبعد ما خلص الوقت طلعووا من الامتحان وكل وحده تسب في الوزارة وفي اللي حط هالامتحان

زهرة: ويلي ويلي اني برسب في هالمقرر عسى اللي سواه كسر في ايده

زينب: سكتي اني اتنافض وبطني يعورني للحين خايفه هالسؤال يطلع كله خطأ وارسب
زهرة: أي صدق ويش الحل؟؟!

زينب: واني وش دراني لا تسأليني عن شي أمشي امشي نروح البيت أني جوعانه

زهرة: وأنتين كله تحاتين بطنش !!!

زينب: وش أسوي بعد أمشي نروح البيت ناكل احسن من ما أقعد وافكر في الامتحان.. واني بعد كل ما ادرس أجووع أزيد

زهرة: حشى بالوعة كله تشفطين ولا تمتنين

زينب: صلي على النبي لا تحسديني

زهرة: اللهم صلِ على محمد وآل محمد ...انتين محد يقدر يحسدش اصلا


بعد ما ركبووا الباص ووصلوا منطقتهم نزلوو عند المحطة وقعدووا يتمشون ويسولفون وهم في الطريق شافهم حسن كان راجع من الشغل ومعاه رفيقه كريم

زهرة: هذا مو كأنه اخوش حسن؟؟!

زينب: وينه؟؟ أي صح هذا هو...وانتبهت انه معاه واحد وهالشخص مو غريب عليها..مرة وحدة تغيرت ألوانها

زهرة: هيي انتين ويش فيش جدي صايرة ما تبين تروحين البيت وتعلفين يلا امشي

حسن وهو موقف صوبهم: هاا وش تسوون تتمشون في الشموس؟؟

زينب مو عارفة وش تقول من اللي شافته وظلت ساكته...دزتها زهرة عشان تتنبه إلى اخوها لأن كان يكلمها وطبعا زهرة ما تحب تتكلم مع حسن

زهرة: يا المفهية أخوش يكلمش ما تردين عليه وتفكينا ...أو تدرين اني بروح بيتنا وانتين ظلي واقفة

زينب استوعبت شوي: هاا لالا تعالي اني بروح اياش ما بروح اياه

حسن: هيي انتون ثنتينكم وش فيكم ؟؟

زينب: لا مافينا شي بس دار راسنا من الشمس

حسن: تعالوو اركبوو بوصلكم

زهرة تساسر زينب: اني وحدة ما بركب ويااه حالفة على روحي ما اركب اياااه بتركبين انتين ركبي بروحش اني بروح امشي اشرف ليي

زينب: لالا تعالي وينه بتروحين وتخليني بروحي اني بعد ما ابي اركب اصلا مدام اياه رفيقه هذا

زهرة: جيه وش صاير؟؟ وش فيه رفيقه؟؟

زينب: بعدين بعدين بقول ليش..حسن روح احنا بنروح مشي

حسن: وحقويش تروحون مشي وانا موجود!!!

زهرة: افف هذا اخوش الحين بسويها لينا قضية اني بمشي احسن ليي وخله يهدر بروحه

زينب: اني بعد بمشي اياش احسن ليي

ومشووا عنه ولا سوو ليه سالفة وهو شايل الفريق بالهرنات وكريم يضحك عليه ولما وصلوا حسن وكريم البيت قعدووا في المجلس يتغدون ويسولفون

حسن: أقول كريم

كريم: ما تخلي الواحد يتغدى عدل يعني.. من سالفة الى سالفة..قول قول أنا اسمع

حسن: بل بل عليك بس خلاص كنسلت ما بقول شي بنطم عشان حضرتك تشبع بطنك لين ما تنبط

كريم: هههههههههههههه يلا قول انا أمزح اياك

حسن: عاد لا تطنز عليي اعرفك انته كل السوالف عندك طنازة

كريم: لالا ما بطنز قول وخلصنا

حسن: انزين.... وش يعني ليك الحب؟؟؟

كريم يتنهد: آآآآه تسألني عن الحب!!

حسن: هاا يا الحبيب شكلك غرقان فيه

كريم: أي والله ..الحب وما أدراك ما الحب..الحب عذاااب تعرف يعني ويش العذااب؟؟

حسن: اعرف اعرف ما يحتاج تعلمني عنه

كريم: الا تعال انته وش الطاري عشان تسأل لا يكون....!!
حسن: هاا أنااا لا مافي شي ولا تقعد تطلع عليي كلام

كريم: أي أي علينا هالكلام ...أنا ما يمشي عليي هالكلام

حسن: والله عاد كيفك مو لازم تصدق

كريم: عجل أنا اليوم لازق فيك لزقة ومانا طالع الا اذا عرفت السالفة كامل


في بيت حجي مكي
بالتحديد في حجرة زهرة


زهرة: تعالي يا خايبة النمرة ويش مسوية من دواهي ؟؟ وبعدين وش سالفتش من شفتين رفيق أخوش تغير وجهش!!

زينب: مو مسوية شي يعني الحين انتين تشكين فيني

زهرة: لا ما أشك بس الحركة اللي صارت تخلي الواحد يشك غصباً عنه

زينب: لا تخافين لا يروح فكرش بعيد ترى لا أكلمه ولا شي بس صار ليي موقف اياه وهالموقف لا يحسد عليه

زهرة: جيفه وش صاير؟؟

زينب: هذا الله يسلمش داك اليوم رايحة بنادي على أخويي حسن عشان يطالع ايايي الفيلم الهندي ...... وقالت ليها السالفة من طأطأ للسلام عليكم



عند حسن وكريم


كريم: ها وش قررت الحين بتقول او لا

حسن: انته وش فيك وش تبيني أقول

كريم: وآخرتها يعني اياك

حسن بتردد وعلى وجهه علامات الحزن: كريم.. انـ أناا أناا أحب

كريم: يا الملعون تحب ولا تقول ليي بعد.. قول قول غرد من اللي تحبها

حسن: ما بقول اعرفك انته كله تتطنز وبعدين أخاف تفضحني

كريم: افااا أنا أخونك وافضحك عجل يلا مع السلامة

حسن: ههههه تعال وينه بتروح اقعد بسولف اياك

كريم: مو أنا افضح الناس بعد حقويش تقول ليي اسرارك ..ناوي تنفضح

حسن: يلا اقعد بلا مصاخه

كريم: هداني قعدت ...أنته تكلمها؟؟

حسن: مو هني المشكله

كريم: مشكله؟؟ جيه وش مسوي بعد لا تقول ليي صادوها تكلمك وكفخوها

حسن: ما ادري اقوم ادوسك الحين صبر لين ما اخلص وبعدين تكلم

كريم: انزين قووول أذيتنا

حسن: أصلا اللي أحبها انا هي ما تدري يعني ما قلت ليها ولا صارحتها بشي

كريم: تصير ليك؟؟

حسن: لا رفيقة اختي وتصير بيت جيراننا بعد

كريم: هاا لا يكون اللي شفناها من شوي ؟؟

حسن: أي هادي هي

كريم: حسن انته تحبها صدق يعني ناوي تخطبها او تلعب عليها

حسن: كريم أنا عندي أخت وأخاف عليها بعد يعني اللي ما برضاه لأختي ما برضاه على بنات الناس وانا ناوي أخطبها بس مو الحين لين ما تنحل مشكلتي اياها

كريم: وش هالمشكله؟؟

حسن: ما ادري بس من فترة صار بيني وبينها كلام وهي انقهرت مني ومن تصرفي اياها

كريم: انزين قول السالفة عدل عشان افهم

حسن: انزين اسمع.... وقال لكريم السالفة كاامل

عند زينب وزهرة الوضع كان ربشة كلما يتذكرون الموقف اللي صار لزينب قعدووا يضحكون

زينب: ههههههههههههههه بس عاد لا تطنزيين عليي واني وش دراني انه في احد لكن عساش تصيرين في نفس الموقف

زهرة: وي اسم الله عليي ..والله هذا بعد من هبالتش عجل تدخلين المجلس وبس يمكن أحد جاي وانتين ما تدرين يعني

زينب: واني عاد وش دراني من شفت شاروخان افتر راسي

زهرة: محد دابحنش غيره هههههههه


أما عند كريم وحسن الجو كان متكهرب شوي بالنسبة لحسن أما بالنسبة لكريم فكان الوضع عنده عادي كالعادة ما يسكت عن التعليقات

حسن: وانته عاد ما تسكت لازم تتطنز عليي

كريم: لا والله حالتك كاسرة خاطري.. انزين روح اخطبها وفك روحك

حسن: واذا خطبتها ورفضتني وش اسوي انا

كريم: وحقويش ترفضك!!

حسن: انته غبي او تتغيبه أقول ليك هي ما تطيقني ما تحب تشوف رقعة وجهي من اللي سويته فيها داك اليوم

كريم: عاد هادي مشكلتك محد قال ليك تتعلف ابها

حسن يفكر: اسمع وش رايك أكلمها أول واشوف رايها

كريم: هي انته خرفت .. وش ناوي عليه.. هي بروحها ما تحب تشوفك الا بعد تكلمها عشان تتفل في وجهك وتمشي عنك

حسن: خسي انا احد يسوي ليي هالحركة

كريم: عجل توكل على الله وتقدم ليها

حسن: انته جدي رايك يعني

كريم: أي

حسن: يعني ما بترفضني!!

كريم: واني وش دراني بترفضك او لا قالوو ليك قاعد اياها

حسن: انزين اعصابك اعصابك لا ينط ليك عرق الحين

كريم: تدري انا بقوم اروح لولدي تأخرت عليه واجد

حسن: أي تعال انا من متى قايل ليك ابي اشوفه ولا شفته وشكلي بموت ولا بشوفه بعد

كريم: الصراحه انا اخاف على ولدي تحسده وبعدين يمرض او يصير فيه شي

حسن: مدام انته ابوه ما اظن يطلع قمر

كريم: احترم نفسك ها على الاقل احلى منك والبنات يركضون ورايي يتمنون بس نظرة مني بس أنا ما اهتم ليهم

حسن: لا احلف انته بس يلحقون وراه قال

كريم: لا يفوتك بعد يرقموني

حسن مواصل اياه: افاا جان ناديتني يوم رقموك عشان اصورك وانشرك بلوتوث واكتب تحت الصورة الشاب الذي يعاكسونه البنات

كريم: افا عليك مره ثانيه اخليك تصور ولا يخمك

حسن: مخمة اللي ترقص على ضهرك انشاءالله

كريم: بل وش فيك صاير مثل العجايز تدعي عليي

حسن: انته تخلي الشاب شايب

كريم:هههههههههههه اوكي عجل انا الحين اخليك واجد أخرتني يلا مع السلامة

حسن: الله يسلمك.. وسلم على حسين اللي ما بنشوفه

كريم: انشاءالله المره الجاية
 
الجزء الحادي عشر

في حجرة زهرة


زينب: يلا زهروو اني بمشي الحين .. أي صحي السنه ما بتسافرون

زهرة: ما ادري .. مدام هالعجوز ايانا ما بنسافر

زينب: مسكينه مو زين تسوين فيها جدي

زهرة: لا اني ما اكرهها بس ساعات تصرفاتها تقهرني

زينب: بعد هادي مرة كبيرة وما تفهم لازم انتين تقدرين السن الي هي فيه وتحتريمنها

زهرة: انشاءالله عمتي ..أي أوامر ثانيه

زينب: مالت عليش طول عمرش هبله

زهرة: شكراً آنسة فهووي

زينب: حياش الله كل يوم تعالي يلا الحين امشي وصليني للباب

وطلعت زينب من بيت زهرة وراحت بيتهم عاد أول ما بتدخل البيت جان تجوف في وجهها كريم

زينب في خاطرها: يا علي وش هاليوووم وين ما اروح يطلع في وجهي

كريم في خاطره: الله يا محلا الصدف .... اليوم أحلى يوم في حياتي <<< الرجال رايح فيها

حسن: يلا دخلي داخل

وطلع كريم من بيت حسن وهو مفهي مو داري بالدنيا وزينب اللي تمنت الارض تنشق وتبلعها ولا تشوفه مرة ثانية.. بس هادي الصدف



في بيت حجي مكي
في الصالة


الجدة تساسر فخرية: يلا قومي كلمي بتش له..إلى متى يعني

الأم فخرية: انزين عمتي خليها لباجر احسن

الجدة: لا لا ما اقدر اصبر لباجر بعد قومي قولي ليها لا اقوم اني واقول ليها الحين

الأم فخرية: لا انتين لا تقولين ليها هي ما تتقبل شي منش اني بقول ليها وامري لله

زهرة: انتون وش فيكم تتساسرون..تدرون اني بروح انام احسن ليي..وباجر لا تقعدوني من الصبح بعد خلاص المدرسة وخلصتها

الجدة: يلا قولي ليها بسرعة قبل لا ترووح

الأم فخرية: تعالي زهرة قعدي شوي بكلمش

زهرة: أماااه باجر الحين اني فيني نومه

الأم فخرية : لا حبيبتي قعدي بس بقول ليش كلمتين بسرعه وروحي

زهرة: انتين قلتين بس كلمتين يعني لا تزيدين

الأم فخرية: الحين انتين ...وتوها الأم بتكمل الا زهرة مقاطعتنها في الكلام

زهرة: بس خلاص صارت كلمتين الحين بروح انام

الجدة: قعدي قعد رسش امش بتكلمش

زهرة: اذا السالفة فيها انتين بعد يعني ما تبشر بخير

الأم فخرية: انزين سمعي خليني اكمل كلامي وروحي نامي نامت عليش طوفة

زهرة: لا حلفوو انتون بس وحده تقول ليي قعد رسش ووحده نامت عليش طوفه اني الصراحه ما اقبل بالاهانات لازم ارفع عليكم قضية سب وقذف

الجدة: اهووو قعدي يلا بلا هرار علينا

الأم فخرية: سمعي زهرة فتحي عيونش زين ونظفي اداينش عدل وكبري عقلش بعد

زهرة: جييي وش صاير!!

الأم فخرية: ولد عمش متقدم ليش من زمان وناوي يخطبش وابوش واني وجدتش كلنا موافقين عليه..يعني هو رجال وماعليه قاصر

زهرة مو مستوعبة الكلام: وتبوني أوافق عليه؟؟؟

الجدة: جيي انتين مو موافقة لا يا بويي انتين ما بتحصلين احسن من ولد عمش..هو اللي بيعزش وبيحافظ عليش..هذا من دمش ولحمش
زهرة عصبت: ومو على كيفكم تغصبوني على الزواج..واني بعدي صغيره ما ابي اعررس..خله يدور غيري

الجدة تصارخ: لا عجل على كيفش..المدرسة خلصتينها يعني الحين ما عندش حجة ..وهو من زمان قايل يبيش

زهرة: متى قال يبيني وهو من زمان لا اشوفه ولا يشوفني ويمكن لو الحين يشوفني في الشارع ما يعرفني اني من..مافي احد غيرش ورى هالسالفة كلها

وعلى صراخ الجدة وزهرة حجي مكي كان توه جاي البيت دخل الصالة مثل الأطرش قاعد وسط الزفة ما يدري على ويش يتهاشون

حجي مكي: الحين انا ابي افهم على ويش كل هالصراخ اللي موصل للشارع!!

الجدة: هادي بتك اللي ما عندها لا مذهب ولا دين تبي تمشي رايها علينا

زهرة: شوف ابوي خلاص اني امك خلاص ما اقدر اتحملها ..تبي تعرسني غصب

حجي مكي: ومن قال انش بتعرسين غصب..انتين لازم ليش راي

زهرة: أي واني قلت رايي مو موافقه

الجدة: هادي اللي بترفع ضغطي وبتدبحني الحين..يا بت الناس اقول ليش يبيش تقولين ما تبينه

حجي مكي: انتين انزين ما شفتينه ..شوفيه أول وبعدين حكمي عليه

زهرة : مو لازم اشوفه..واني ما ابي اعرس من الحين بعدي صغيرة وابي اكمل دراستي اول

الجدة: هو ما بيمنعش من دراستش درسي لين ما تموتين

زهرة: والله ما بموت الا منش يا سوسة البلا

حجي مكي: بس خلاص الحين الوقت متأخر عيب علينا الناس يسمعون صراخنا في هالليل ..زهرة انتين روحي نامي الحين وفكري في الموضوع ومن اصبح افلح

زهرة: اني ما بيتغير رايي من الحين لباجر ..ما ابيه يعني ما ابيه تفهمون او لا

الجدة: لا بغاش الله ولا رسوله وش جايفه انتين في ولد ولدي عبالش بتحصلين احسن منه

زهرة ما اهتمت لجدتها ومشت عنها راحت حجرتها ونامت من زود الصراخ


يوم ثاني الصبح


قعدت الجدة من صباح الله خير وتردد نفس الموال ضاربة في راسها تاخد ولد ولدها لزهرة وزهرة مو راضية<<< البنية ما تبيه غصب يعني

الجدة: هادي بتكم واجد تتدلع لكن يا أني يا هيي..هادي جاهلة وما تعرف مصلحتها

الأم فخرية: بعد هي ما تبي تعرس من الحين واحنا ما نبي نغصبها على شي

الجدة: لا عجل تخلون هالجاهلة تمشيكم على هواها

الا بدخلة حجي مكي... وسمع الكلام اللي دار بين الجدة وفخرية

حجي مكي: أماااه وانتين للحين مصره على هالسالفه

الجدة: بتك ما بتاخد غير ولد عمها..محد بيعزها ويرزها غيره

حجي مكي: واحنا ما نبي نغصبها على شي ما تبيه

الجدة: عاد شوفووو اني قلت بتاخده رضت لو انرضت غصبا عنها بتاخده

حجي مكي: بس اماااه...

الجدة: شوف فهم بتك اذا ما خذت ولد عمها لاني أمك ولا انته ولدي

حجي مكي: صلي على النبي امااه

الجدة: اللهم صلِ على محمد وآل محمد
 
شكرا على القصة الرائعة..
تابعي و واصلي.. من المتابعين..(باذن الله)..
 
الجزء الثاني عشر





في الشغل
عند حسن وكريم


حسن: اناا متملل حدييي من هالشغل ابي اطلع منه

كريم: وينه تبي تروح يعني

حسن: ما ادري افكر أقدم على الشرطة

كريم: تقدر عاد على أشغالهم...واجد متعبة

حسن: عجل الى متى اقعد ليك هني على هالمعاش البسيط..على الاقل هناك ازيد...يعني بقدر أمشي أموري وبقدر اتزوج

كريم: انته وش طاري عليك هالايام على سالفة الزواج

حسن: ها بعد لا يكون محتر لأني بعرس

كريم: لا مو محتر ولا شي ..الله يوفقك

حسن: انزين انته مو مفكر تشتغل في شغله غير؟؟

كريم: يلا جان عندك شغله دور ليي

حسن: وش رايك تروح ايايي نقدم على الشرطة

كريم: يصير خير

حسن: انته من تقول يصير خير يعني مستحيل يصير الشي

كريم: انشاءالله بفكر في الموضوع أول وبدرسه من جميع جوانبه وبعدين برد عليك

حسن: اللي يقول الحين انته بتسوي مشرووع كبير

كريم: وانته وش فيك جدي كله مستعجل

حسن: الحين انته بالله عليك عاجبتنك هالشغله أو عاجبنك معاشها!!

كريم: الله كريم

حسن: وبتقعد تحط ايدك على خدك وبتقول الله كريم من وينه بجيك الشغل يعني..بينزل عليك من السماا

كريم: افففففففف انته ويش فيك صاير حنااان ورناان

حسن: الحين يعني خدها بالعقل ..من بتقدر تفتح بيت اذا اعتمدت بس على هالشغله..والله انته مو ناوي تعرس وتستقر

كريم: ومن اللي أهلها بيقبلون بي.. وهالبنية من تدري انه عندي ولد ما بتوافق

حسن: خل إيمانك بالله قوي..وبعدين انته ما فيك عيب عشان ما يوافقون عليك..واذا على ولدك مو كل البنات مثل بعض..بالعكس في بنات ما عندهم مشكله ياخدون واحد عنده ولد

كريم: خلها على الله

حسن: هونها وتهون..ترى الدنيا ما تسوى..وانشاءالله بتحصل بت الحلال اللي تريحك وتتحمل بولدك

كريم: إنشاء الله


في بيت حجي صالح
الساعة 12 الظهر


الأم مليحة: يلا قومي أدن الضهر وانتين منطبنه قومي صلي يا قليلة الصلوات

زينب: اوهووو حتى أيام الأجازة ما ناخد راحتنا في النوم..توني أول يوم أجازة خليني أنام

الأم مليحة: قومي بلا خيابة عليي قومي ساعديني

زينب: افففف جيبي ليش خدامه اني ما احب شغل البيت

الأم مليحة: اني وحده ما احب شغل الخدم...والحين بتقومين لا أتصل لأبوش وأقول ليه عنش

زينب: لا لا لا خلاص الحين بقوم..بس خليني انام خمس دقايق عااد أمااه

الأم مليحة: اني اعرفش تقولين بس خمس دقايق وتسوينها خمس ساعات

زينب: افففففف هداني قمت ... متى يا ربي أعرس عشان أفتك من هالبيت وعوار الراس

الأم مليحة: يا سودة الوجه ما تستحين تقولين هالكلام قدامي

زينب: واني وش قلت.. والله عرس صار حرام بعد هالأيام

الأم مليحة: انتين ما منش فايدة.. يلا بتقومين لا اجيش بالملاس

زينب: بقوم بقوم..دليتينا عاد


في بيت حجي مكي
في حجرة زهرة


الأم فخرية: الحين وش قلتين يا بتي..موافقة لو لا

زهرة: اني قلت ليكم رايي من أمس ..مو موااافقة

الأم فخرية: وحقويش مو موافقة...شايفة في الرجال عيب؟؟

زهرة: لا بس ما ابي اعرس الحين بعدي صغيره..وجم مرة أقول ليكم أبي أكمل دراستي أول

الأم فخرية: انزين هو ما بيمنعش عن الدراسة

زهرة: وانتين وش دراش ما بيمنعني!!

الأم فخرية: لأنه متخرج من أمريكا ويفهم يعني مو متخلف

زهرة: جيي كل واحد متخرج ودارس يعني فاهم..أكوو في ناس مو دارسين ويفهمون أحسن من اللي دارسين

الأم فخرية: انزين انتين شوفيه وبعدين أحكمي عليه

زهرة: ماني ماني ما ابيييييييه

الأم فخرية: وجدتش مو راضية تاخدين غيره

زهرة: لااا جيي هي ولية أمري واني ما ادري..يعني أبوي وينه راح..ماليه كلمه

الأم فخرية:أبووش موافق على الصبي باقي بس موافقتش

زهرة: انزين واني مو موافقه

الأم فخرية: عاد جدتش قالت وافقتين لو ما وافقتين بتاخدينه يعني بتاخدينه

زهرة: مو على كيفي..واذا غصبتوني عليه بقول للشيخ في ليلة الملجة اني مو وافقة وأهلي غاصبيني عليه

الأم فخرية: غربلتيني الله يغربلش...اني مافيني شدتش..خلش تولين بقول ليهم اني ماليي دخل فيها..وخله جدتش وابوش يتصرفون اياش

زهرة: هالسوسة كله منها هيي الا مخططه لكلشي...بتصل لزنبوو عشان تجي ليي قبل لا انتحر

واتصلت زهرة لزينب قبل لا تنتحر على قولتها....تلفوزن زينب يرن..يرن..يرن وما تشيله

زهرة:اففففف هادي بعد وش فيها ما تشيله ..بتصل على بيتهم احسن

واتصلت زهرة على بيت زينب وبعد فترة شالووه
زينب: آلوو

زهرة: جان ما شلتينه..حرقت التلفون من كثر الاتصالات

زينب: جيي وش صاير؟؟

زهرة: ابيش تجين ليي

زينب: هادي السالفة يعني!!

زهرة: ما ادري اطلع ليش من السماعه الحين واهفش بطراق على عيونش

زينب: هي هي اشوف تتعدين عليي واني ساكته عنش هاا

زهرة: يلا قوموي تعالي ليي لا انتحر

زينب: اكيد صاير شي خطير

زهرة: اذا جيتين بتعرفين

زينب: بس الحين أمي ما بترضى تخليني اطلع ..واني قاعده اشتغل اياها

زهرة: يا ربيي وش هالحالة الكسيفه...تدرين اني بجي ليش عجل

زينب: اووكي انتظرش مو تتأخرين

زهرة: انزين يلا قلبي وجهش

وسكرت زهرة التلفون من عند زينب وراحت لأمها عشان تخبرها انها بتطلع ..جان تسمعها الجدة

الجدة: قعدي مكانش مافي هيامة..البنيه ماليها الا قعدة البيت

زهرة: لا حلفي..لا يكون باخد برايش اني..واني بروح بيت الجيران يعني خطوتين ما قلت ليش بروح السيف

الجدة: بلا قلالة حيا وقعدي في بيتش ..وبيت الجيران ولدهم كبير مو عدله يشوفش في بيتهم..وانتين مو جاهله

زهرة: امااه هداني قلت اليش اني بروح لزينب يلا مع السلامه.....ولا اهتمت لجدتها وطلعت من البيت

الجدة تصارخ: فخرووو شفتين بتش طايحة النصبة..صايرة واجد قليلة حيا وما تسمع الكلام

الأم فخرية: عمتي هيي الا بتروح لزينب ما بتروح بيت غريب

الجدة: وانتين بعد تشجعينها..ما توقفينها عند حدها

فخرية ما تبي تطول السالفة وسكتت عنها

في بيت حجي صالح
في حجرة زينب


زينب: بسم الله وش فيش قالبة الوجه علينا

زهرة: سكتي لا ارتكب فيش جريمة ..توني متهاوشه ويه جدتي اللي بتموتني قهر

زينب: وانتين هادي سالفتش بس..كله هواش وياها

زهرة: انتين لو تدرين وش مسويه فيني جان كفختينها بعد مو بس تهاوشتين اياها

زينب: وش مسويه!!

زهرة: سمعي السالفة من البداية بس لا تقولين لأحد..خليها سر بينا

زينب: بل لهدرجة السالفة خطيرة

زهرة: وأكثر بعد
 
الجزء الثالث عشر



في بيت حجي صالح
في حجرة زينب


زينب: بسم الله وش فيش قالبة الوجه علينا

زهرة: سكتي لا ارتكب فيش جريمة ..توني متهاوشه ويه جدتي اللي بتموتني قهر

زينب: وانتين هادي سالفتش بس..كله هواش وياها

زهرة: انتين لو تدرين وش مسويه فيني جان كفختينها بعد مو بس تهاوشتين اياها

زينب: وش مسويه!!

زهرة: سمعي السالفة من البداية بس لا تقولين لأحد..خليها سر بينا

زينب: بل لهدرجة السالفة خطيرة

زهرة: وأكثر بعد

زينب: انزين قولي >>>ماخذها الحمااس

زهرة: تدرين امس عقب ما طلعتين من بيتنا امي قالت تبيني في سالفة..وقالت ليي انه ولد عمي متقدم ليي من زمان..بس هم يحارسوني اخلص مدرسه عشان يفاتحوني بالموضوع

زينب مستانسه وتناقز: حلفييي..الاااي زهرووو بتعرسين الااااي بيصير عندنا عرس

زهرة تقوم و تعطي زينب ضربة على ضهرها: يا الخبلة وش فيش جدي مزهوقة

زينب: آآآآآآآآآآيي عساااش ريح كسرتين ضهري

زهرة: عجل اني منبطه جبدي وانتين مستانسه وتناقزين ليي مثل السبلان
زينب: أحد يحصل ليه رجل ويرفضه...يا الغبيه هالايام ما تحصلين ليش رجل الا بالطفرة

زهرة: واني ما ابيه غصب يعني

زينب: حقويش يعني هو فيه عيب!!

وهرة:اني اصلاً من زمان ما شفته ولا شافني ولو يطوف صوبي الحين لا اعرفه ولا هو يعرفني

زينب: عجل جيفه تقدم ليش!!

زهرة: مو السوسه جدتي مرشحتني لييه

زينب: بل بل قوية..بروحها تتصرف وعلى كيفها بعد

زهرة: عشان تعذريني

زينب: لا الحين عذرتش ياختي..والحين وش صار!!

زهرة: اني مو موافقة..يعني مو رافضتنه..بس اني ما ابي اتزوج الحين

زينب: انزين قولي ليهم ما تبين تعرسين الحين

زهرة: انتين وش فيش غبيه جدي..اقول ليش السوسه تباني اخده غصب..تقول ليي ما بتاخدين غيره

زينب: تدرين اذا ما تبينه طرشيه ليي

زهرة: جاااان زين يصير..جان افتك من هالبلوة

زينب: الحين مو تقولين انتين ما شفتينه من زمان

زهرة: أي

زينب: انزين انتين الحين شوفيه وبعدين احكمي عليه

زهرة: ماني ماني

زينب: عجل خلش تولين بيغصبونش عليه

زهرة: بنتحر

زينب: الحمد لله والشكر مو عاقله انتين..تبين تروحين النار
زهرة: عجل وش اسوي؟؟

زينب: ما ادري خليني افكر

زهرة: فكري ياام الافكار

زينب:أي سكتي عشان اقدر افكر..اني ما اعرف افكر اذا احد يتكلم

زهرة: ويي عشتوو خلاص بسكت

قعدت زينب العبقرية تفكر في خطه جهنمية وزهرة قاعده على اعصابها تبي تتكلم بس زينب مانعتنها...وبعد شوي

زينب بصوت عالي: وصلت وصلت

زهرة نقزت: حسبي الله عليش ..من اللي وصلت

زينب: الخطه

زهرة تتقرب منها: قولي قولي خلف جبدي بسرعه

زينب: أول وين عمولتي!!

زهرة: عمولتش بتحصلينها بس قولي اول

زينب: لا لا اني ما اضمن

زهرة: افف هاش تلفوني ضمان لعمولتش بس فكيني

زينب: أي جدي اووكي

زهرة: قولي عاد دليتيني

زينب: انيتين الحين روحي قولي ليهم انه انتين موافقه عليه

زهرة: لااا تبين تورطيني انتين

زينب: يا الهبله اسمعيني اول

زهرة: يلا بسمعش وبشوفش لوينه توصلين

زينب: انزين في المقابله طفريه بالاسئله وسوي روحش مغروره وقعدي تشطري..واذا قال ليش يمين انتين قولي ليه يسار..فهمتين الحين
زهرة: انتين وينش عنش من زمان يا المخ العبقري

زينب: احم احم اني موجوده بس انتين اللي ما تعترفين بوجودي

زهرة: أي والله ...وتسحب تلفونها من يد زينب بدون ما تحس....يلا مشكورة بروح بيتنا

زينب: العفوو

ويوم طلعت زهرة انتبهت زينب انه التلفون مو عندها

زينب تصارخ: هييي ياالبقرة تعالي قصيتين عليي


راحت زهرة بيتهم وهي تفكر في كلام رفيقتها..وتدور ليها خطط لليوم الموعود..

و زينب راحت الصالة تطالع تلفزيون مع بيتهم...

حجي صالح: هاا بتيي متى بتطلع نتايجكم؟؟

زينب: بل ابوووي تونا امس مخلصين ما مداهم يصححون الاوراق..وبعدين على ويش مستعجل!!

حجي صالح: مستعجل على نتيجتش..ابيها عاد تبيض الوجه مو مثل بعض الناس سودوو وجهي يوم جابوو شهادتهم

حسن طالع ابووه وهو متفشل لأن عرف انه هوو المقصوود

زينب : إنشاءالله ابوويي..بس عاد لازم الهدية توصلني

حجي صالح: اللي تبينه بجيبه ليش

زينب: صدق ابويي!! عجل انشاءالله اطلع الأولى

حسن: هههههههههههههههههههههههههههههههههههههههه تحلمين انتين عفر
هذا اذا طلعتين الاخيرة بعد واجد زين

حجي صالح: على الأقل أحسن منك ..يلا انا بروح انام احسن ليي من هالقعده البطاليه...وانته ما وراك شغل الا قاعد

حسن: بلى عليي الحين بقوم

حجي صالح: عجل تصبحون على خير..ولا تنسون تبندوون الليتات

حسن وزينب: وانته بخير

وراح حجي صالح ينام وظلوو زينب وحسن قاعدين يطالعون التلفزيون
زينب سرحت شوي..انتبه ليها اخوها حسن...
 
عودة
أعلى