شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي يسلم؟

[رفيق الصمت]

بسم الله الرحمن الرحيم
الـسـلامـ عليكمـ ورحمة الله وبركاته,,,

لفت إنتباهي هذا الموضوع في أحد المنتديات وأعجبني وحبيتكم تشاركوني فيه..

شنو موقفك اذا وحده مدت يدها تبي تسلم عليك...؟؟

عندي سؤال لكم .............

طبعا مصافحة الرجل للمراة حرام والعكس...

وسؤالي هو :

شنو راح يكون موقفك اذا مدت لك وحده يدها تبي تسلم عليك... مثلا زميله بالعمل... او دكتوره... او قريبه لك اي شي..؟؟
ونفس الشي للبنات...

شنو راح يكون موقفج اذا مد واحد يده يبي يسلم عليج ؟؟

منقول


وشكراً ..​

 

[محبوب]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

مشكور اخيو على هذا ال موضوع

بالنسبة لي
صادني هالموقف ايام ما كان عندي امتحان مقابله في المعهد( انتر فيو)كان السلام عليه درجات
قبل الامتحان سئلنا المدرسة قلنا ليها احنا مايصير انسلم على المراة اتقول عادي شنو فيها

انقول ليها حرام ما يجوز الدين اقول جدي

اتقول خلو عنكم الدين اشويه وانتبهوا الى دراستكم

واول واحد انا كنت متحجج على السالفة

وكنت خايف من الامتحان

الى ان جى يوم الامتحان وشفت اسمي اول واحد في اللسته
قلت يا ربي ويش هالحظ الى علي

انزين دخلت على المدرسة والمدرس

وقمت سيده قعدت على الكرسي بدون ما اسلم الين ما انتهيت من المقابله قلت ليهم في شي اخر بعد تبونه

الى اقول لي مشكور
قمت وسلمت على المدرس والى المدرسه مدت يدها علي انا انحرجت ويش اسوي الى المدرس اقول لي سلم عليها بدون شعور مديت يدي وسلمت عليها ومن ذاك اليوم الى اليوم الي سئلت الى المشايخ عن السالفة
قال لي حالك من حال المتخرجين الى يسلمون على رئيس الوزراء

الحمد لله ريحني على الجواب

وبس

يعني المصافحة على البنت الاجنبيه لا يجوز ولكن اذا وقعت في هذا المأزق عليك بالمواصله

وشكراً

تحياتي
محبوب

 

[أميرة الأحزان]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

الســلام عليــكم ..

موضوع جميل جداً .. ومضحك ..

هههههه

كثير من المواقف تصادفنا ..

اذكر مرة لما كنت في الاعدادي .. كنت في بيت صديقتي يوم الجمعة .. والجمعة اهو تجمع عايلتهم في بيتهم ..
عاد كنت بطلع ولازم اطوف على صالتهم (مركز التجمع) كنت شوي هبلة يعني أبوها واخوانها عادي وياي .. مثل اختهم يعني ..
المهم في طلعتي من باب الصالة دخل زوج اختها في وجهي .. وظل يمزح وياي ومدّ إيده لي .. والكل الجماعة اللي في الصالة يضحكوون..
واهو يقول لي السلام على رسول الله سلمي .. "واني محترق وجــهي .. هدويي "
ما باليد حلية .. ظل رافع ايده مدة .. توني بسلم أمري إلى الله .. برفع ايدي .. إلا هو منزل ايده ..
ويصير الضحــك بزيادة ..

احرجني احرجني .. موقف لا أُحسد عليـــــه ..


ههه
وفي واحد من العايلة بعد فري شوي .. نچوفه عادةً في العيد .. وبس نچوفه نشرد كلنا.. لأن يسلم بإيده ..
ههههه

شنو راح يكون موقفج اذا مد واحد يده يبي يسلم عليج ؟؟
احرج احراج احرااج ..
لما كنت شوي اصغر كنت حدي استحي .. يعني ممكن أستسلم وأسلم بإيدي ..
بس الحين قوت عيوني شوي .. بقول "لا يجـــــــوز شــرعاً .."


رفيق الصمت ..
شكراً للموضوع اللطيف..
كثّر من هالمواضيع الجيدة الجميلة
والسموحة ع الإطالة​

 

[إشراقة الأمل]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

السلام عليكم

الصراحه هو احراج ..
لو احد مد يده يسلم ..

مثلا انا اشوف اولاد خال امي اذا جو بيت العود يصافحون امي وخالاتي .. عادي
احنا بعد واحد منهم يصافحنا يعني يعتبرنا بناته .. مع اني كنت افكر فيها اقول ما يصير

ولكن الحين يشوفنا احنا اذا جينا نسلم ما نصافحه فعادي

ولكن لو احد غير .. وصار جذي موقف مفاجأ
يتراوى ليي لو اضطريت راح اغطي يدي واصافح

شكرا اخي رفيق على الطرح


تحياتي،،

 

[رفيق الصمت]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

شكراً لكم اخوتي جميعاً ع مروركم الجميل

والطيب والله لايحرمنى من تواصلكم

الجميل..



الصراحه موقف محرج للغايه ..



مره من المرات كطنت راجع من التمرين وكان في البيت بنات

عمي وكنت راجع من التمرين ودخلت وسلمت عليهم

السلام عليكم جميعاً ردو كلهم ..


وانا داخل رايح الحجره وقفت وحده من بنات عمي

ومدت يدها تسلم عليه وانا حسيت بالاحراج كلهم يطالعوووني

وانا مامديت ايدي لها انحرجت قمت بمد يدي الا اهي شالت يدها

وفشلتني بعد اكثر واكثر صار ويهي (طماطيه)



الصراحه احراااج هالموقف ..



وشكراً لكم جميعاً ع تواصلكم

 

[المجرمة]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

احس ان الموضوع على حسب التعود

يعني اني من يوم أني صغير متعودة على أولاد خالتي
وأولاد خالي ومتعودة أصافحهم

بس لو صادفت شخص برة العايلة راح يكون على حسب
الموقف .. مثل ماذكر الأخ محبوب لو كان الموضوع يخص
الدراسة أو الشغل راح أصافحهم بس إذا الموضوع ماله داعي
راح أكتفي بالسلام بالكلام


تحياتي

 

[سراب الحزن]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

هووو إحراااج مثل ما قاال الكل تقريبا..


في مره كانه رايحين بيت صدق ابووي وجه ولادهم يسلم علينه اني كنت اصغر وحده في خوااتي يعني اخوااتي اكبر منه يعني بسلوون عليه بيد بس اني تقريباا من سنه كان عمري 13 او 14 يووم جه دوري اني هني توهقت وش اسووي سلم بيده .. استسلمت وسلمت بيدي صج كاان مووقف محرررج قعدت افكرر فيه وااجد خخ..

بعدد مرره احين في سني هذاا ما اذكر من سلم رجل عمتي على مااضن في عيد عاد اني وش سوويت غطيت ايدي بدفه وسلمت خخخ

مشكور اخووي على المووضووع الا ذكره بشيااء تحفه خخخ..

نتظر جديدك..

 

[زغردة الجراح]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

مسى الخير
الحكم واضح .. ولا مجال للرأي فيه .. لا يجوز أن تصافح الفتاة الرجل او العكس الرجل الأجنبي ..

أي هي لا سالفة تعود .. ولا سالفة موقف محرج .. ولا سالفة شي .. هي سالفة لا يجوز ..
لا يجوز .. يعني لا يجوز .. وفقط ..

 

[أميرة الإحساس]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

الصراحة موقف محرج

اني كنت قاعدة في بيت خالتي وجى ولد خالتي وقام يسلم واني توني يعني ما تزوجت سلم على امي ومد ايده حق يسلم عليي
فأنحرجت وسلمت عليه ولا اهتمين هههههههههههه

شكراا على الموضوع الرااائع

 

[رفيق الصمت]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

شكراً لكم اخوتي جميعاً..


والله يعطيكم الف صحه وعافيه

والله لايحرمنى من مروركم الجميل والطيب

وشكراً..

 

[الدموع الباكية]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

بل احراج من الزييييين
واجد تصير هالمواقف بس اني ما امد ايدي ..
عشان هو ينحرج بعد مو بس احراج علي اني ..
يسلمو اختي على الموضوع
تحياتي

 

[شمعة البيت]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

مرات تصديني أن ولد خالتي الكبير يجوفني ويسلم بأيده أنحرج انا أتردد بعدين اسلم عليه وأنا منحرجه حدي

والحين شكله عرف السالفه وقام يسلم بدون ما يمد يده

يسلمووو رفيق الصمت ع الموضوع


تــحــيــاتـي،،،

 

[رفيق الصمت]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

حيااااااااكم الله

نورتون الصفحه

والله يعطيكم العافيه



المصافحه باليد بين الرجل والمرأة لايجوز شرعاً

وشكراً لكم جميعاً..

 

[uM kIsHa]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

اولا: مشكوووور خوي رفيق الصمت على الموضوع الحلو
ثانيا: طبعا مثل ما قلت ان المصافحة بين الرجل و المراة باليد لا يجوز شرعا و لكن تعرف بعد في ناس عادي عندهم و مثل ما تقول"فري"
و الله اني جم مرة اتعرض لمثل هالموقف بس لو الموت ما امد ايدي اسلم على رجال و بعدين لازم المجتمع يوعي هالفئات من الناس لان اذا سكتنا بعد بصير هذا الشي عادي.....
مشكوور خوي مرة ثانية و ما تقصر و تقبل مروري
تحــــياتي

 

[بحر الابداع]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

كثير من المواقف تصادفنا ..
ههه
وفي واحد من العايلة بعد فري شوي .. نچوفه عادةً في العيد .. وبس نچوفه نشرد كلنا.. لأن يسلم بإيده ..
ههههه
​

هذا الموقف صادني مع نفس الشخص مرة من المرات بالعيد بسرعة حطيت الدفة على يدي وكنت أني في وجه المدفع أول من صادني الموقف كل الاخوات هربوا خوف من السلام من يومها من أشوفه هذا الرجال الدعس وأقعد مكاني عشان لا يمد يده وأسلم...
الموقف محرج إلى أبعد الحدود وصيح بعد بس الله كريم زاد الوعي بالوقت الحالي

 

[رفيق الصمت]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

شكراً لكم اخوتي جميعاً ع المرور الطيب


والله يعطيكم الف صحه وعافيه


والله لايحرمنى من تواصلكم الطيب

وشكراً..

 

[الضمير الحي]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

الصلاة والسلام على رسول الله

أحبتي كثيرة هذه المواقف التي تحدث
فطبيعة عملي تحتم علي الإلتقاء بالنساء الأجنبيات كثيراً
سواء عرب أم أجانب من جنسيات مختلفة



ولكنني على يقين بأن الأجنبية مالم تعلم بذلك فيجب عليك السلام إن هي ابتدأت بمد يدها وهذه إجابة لسماحة السيد شاكر.. وهو من كبار العلماء الشيعة في دولة قطر..

فعندما كنت في تلك البلاد الحبيبة كانت إحدى الموظفات التي بجانب مكتبي تسلم باليد فلم أخبرها بتعاليم ديني معتقداً أن هذا السلام لأنني موظف جديد وهولمرة واحدة فقط وتكرر للمرة الثانية فرددت أيضاً دون تردد،، ولكن وحين كنا نتحاور في بعض أمور الشركة أخبرتها بأن الدين الإسلامي يحرم علينا إحراج الغير،، ويوجب علينا أيضا أن أخبرك بما هو آتٍ.. لا يجوز أن أصافحك يداً بيد.. ولم أعرج على الأسباب،، لأنني جاهلا بها أساسا..



وفي الختام


تحية للكاتب العزيز.. والسلام عليكم ورحمة الله وبركاته



أخوكم
الضمير الحي

 

[سحر القمر]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

اذا احد مد يده يسلم علي
راح اناظره باستحقار طبعا
هذا اذا ماتفيت في وجهه اول
ياشيخه اذا كان السلام بالكلام بس
اذا كان احد ما اعرفه
اما اذا كنت اعرفه اعتقد اني ممممممممممممم

راح انحاش بلاول واقول مع السلامة
يخلينا نحرج ونكره نسلم فما بالك باليد
مشكورأخوي على الموضوع

 

[اوتار حزينة]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

مثل هالمواقف لازم تمر على الانسان ..

اني صراحه مريت بهالموقف بس لا ويه استاذ او أي شخص عادي ..

طبعاً اول شي كنت منحرجه من هالموقف .. عموما تعالوا معاي بقول لكم بالسالفه ..

هاي زوج عمتي الله يرحمه قبل لا يسافر الهند لعلاج وكان حاس نفسه انه بروح وما بيرجع بس ما حسس الى احد .. وقام يصافح باليد بناته وولاده وكل من يعز عليه عقب وصل لي ومد ايده حقي يبي يسلم عليي طبعا اعتبره بمثابة ابوي وعزيز عليي وااجد لكن بعد كلشي وله حده ... عقبها انحرجت حدي من الموقف طالعت ابوي وامي قالوا لي مدي ايدش بالغة النظرات خخخ وبس مديت ايدي .. بس صراحه موقف ما ينسى

عساك عالقوه اخوي .. مشكوور عالموضوع اللطيف

دمت بود ... اجــل التـحايا

 

[ريحانة البحرين]

رد: شنو موقفك اذا بنت مدت يدها تبي تسلم عليك...؟؟ والعكس للبنات إذا رجل مد يده يبغي ي

شنو راح يكون موقفج اذا مد واحد يده يبي يسلم عليج ؟؟

مرة صادني هالموقف مع زوج خالتي وهو رجال كبير في السن اكبر من ابوي
كنا بنسافر وجاي يسلم علينا ومد ايده اني سلمت مع اني انحرجت واجد
بس اعتبرته من مقام ابوي وهي المرة الوحيدة
والحمدلله ماتكررت وان شا ءالله مايتكرر وياي هالموقف لانه اكيد برفض السلام باليد

شكرا جزيلا اخي رفيق الصمت
تحياتي