اليوم الآخر
شاعر وقلم مميز
الخال هون مش اخو الام .. الخال هو الشئ الاسود اللي بيكون في الوجه او على يد او في موقع آخر من جسم الانسان .. و هو ما يسمى ايضا بالشامة
و في ناس بيخربطوا بين الخال (الشامة) و الثالول .. او بينه و بين حب الشباب و الشابات او الكلف او النمش او العفش او الجدري او الحصبة او الجرب
لكن حتى تعرفوا انه في فرق بين الخال (الشامة) و البلاوي المذكورة اعلاه
و في امثال عربية كثيرة بتحكي عن الخال .. منها:
"ثلثين الولد لخاله" و يقال في الولد اللي ثلثين وجهه خال او شامة
و مثل ثاني : "الأصيل بينعرف من خاله و الدني من ثالوله" و يقال في الناس اللي بيصحوا الصبح و بيتفرجوا في المراية و مع هيك بيطلعوا برة البيت
و الآن بعد المقدمة يسرني ان ابدأ معكم سلسلة "إعرف شخصيتك من ...." و حلقة اليوم هي
إعرف شخصيتك من خالك
الخال على الخد (اليمين او اليسار مش مهم لانه بالمراية بينعكسوا)
انت انسان مرح .. بس ضحكتك ما بتكون من الذان للذان .. لانها بتصدم في الخال قبل ما توصل الذان .. بتحب المزح و لسانك طويل .. بس انت تخين و ما بتعرف تركض .. عشان هيك دايما بتاخد على نافوخك من ورا مزحك البايخ و بتحب حفلات التنكر.
الخال على راس المنخار
عصبي و المكر و الخدعة صنعتك .. بتستعمل دايما كلمة خشم في شتايمك .. مثلا : روحي واصلة خشمي .. أو اقلب خشمك .. أو ينعن خشم اللي خلفك ..
و كمان بتستعملها في الحكي الحلو .. هات احب خشمك .. أو انت على خشمي يا رجل .. أو خشمي سدّاد
الخال على الشلطوفة العليا (الشفة)
انت انسان متذوق للفن .. دايما بتطلع لسانك و بتمسح فيه شلطوفتك .. منه بتتذوق و منه بتشوف اذا الخال بعده محله و لا تحرك
و عندك مناعة ضد الرشح و الزكام .. هاي بدها شرح شوي
اللي بيصاب بالرشح او الزكام دايما برابيره نازلة .. و لما تنزل من منخاره على شلاطيفه بتدخل على ثمه و بيعدي (من العدوى) حاله و عشان هيك بتتأخر عملية الشفاء
اما اللي عنده خال على الشلطوفة .. برابيره بتسحل على الخال بعيدا عن الثم و بالتالي ما بيعدي حاله
الخال على الشلطوفة السفلى
أجرب .. و دايما بتحك في لحيتك .. و ما تقولي انه ما عندك لحية .. لانه كل واحد خاله تحت شلطوفته التحتانية مربي لحية .. لانه اذا حلقها بيجرح خاله و خاله بيصير يسيل دم بعدين
دمك ثقيل .. لانه ما بسيل كثير .. لانك ما بتحلق لحيتك .. اي احلقها و استحي على حالك
الخال على الرقبة
انسان لطيف و مؤدب في تعامله مع الناس .. لانه بيخاف اذا تزانخ مع حدا انه هاظ الحدا يلطشه خمساوي على رقبته .. لانه رح يلاقيها بسرعة لانها معلّمة
الناس اللي ما عندهم خال .. الواحد بيقعد ساعة عبين ما يعرف وين رقبتهم.
بيكفي تحليل شخصيات اليوم .. اللي خاله في محل ثاني غير الوجه و الرقبة يراجع اقرب دكتور بيطري
و مصيبة اذا كان حد عنده مرض "الخال المتنقل" اللي كل يوم في محل
اني فيني خيلان واجد مااكدر احسبهم
سلامي
دلوعة[/align]