مجمع السيف .....

[ستراوية]

لماذا هناك إقبال على مجمع السيف ؟

هل لسبب التعرف على البنات ؟؟

هل للتسوق ؟؟؟

أم لمقابلة صديقة أم صديق ؟؟؟؟

أم لقضاء وقت الفراغ أو لإنهاء الملل ؟؟؟؟؟

ام ماذا ؟؟؟

؟؟؟؟؟؟؟

 

[الشوق]

مشاركة: مجمع السيف .....

بالنسبة لي اذا اروح

حق اتسوق

 

[أميرة الأحزان]

مشاركة: مجمع السيف .....

الناس الفاضية يتعدلون ويتكشخون ويروحون للمسخرة

بس اني وحدة اروح اتسوق واحيانا غدة او عشا

مو دوارة وبس

 

[عاشقة الحسين]

مشاركة: مجمع السيف .....

امممممم اني ما اليي بالسيف مو من صوبي بس رحته
اروح مجمعات غير اي ام هناك لا

بس هناك في بلاوي
وفي ناس لا غرضها شريف



تحياتي

 

[ستراوية]

مشاركة: مجمع السيف .....

مشكورين خواتي على الرد
اما اني رايي ...

مجمع السيف وما ادراك ما السيف
اكبر مجمع للمغازل
اكبر مجمع للعبة على اوادم خلق الله
اكبر مجمع لتضييع الوقت
اكبر مجمع للمفوشر
اكبر مجمع للدلع

بعد ويش اقول عنه
الصراحه مجمع السيف فساد
اني وبكل صراحة اقولها ولا عمري طبيت السيف ولو اطبه
يشدخني ابويي ويمكن يتبرى مني على آخر زمن ستراوية ستراوية ستراوية
تروح السيف لا يبه مو من مستواي بنووب
اصلن اني ما يشرفني اروح هالاماكن المنحطة

هذا رايي في السيف يمكن ما يعجبكم خخخخخخخخخخ

 

[أميرة الأحزان]

مشاركة: مجمع السيف .....

صحيح كلامش خيو ستراوية بس اذا تروحين علشان تتسوقين علشان غرض مو حرام تروحين


صحيح هناك مأساة بس اذا رحنا محترمين بنطلع محترمين
والحمدلله

 

[The Master]

مشاركة: مجمع السيف .....

مجمع السيف الي يرحون هناك نسبة 95 بالمئة يرحون حق مغازل وبلاوي اما 5 بالمئة يرحون حق يتسوقون او يرحون بيطالعون فلم

بس الصراحه السيف مايسوى احد يروحه اصلا الي يرحون هناك لو تهزه مافي فلس في جيسة , بس ضارب الشعر جل ومسونه كانه ديج وطاير هناك

ومشكلة على البنت تروح مثل هالاماكن المزدحمة لانه انتو تعرفون مشكلة بعض السعودين او غيرهم الي يجون البحرين للعبة ومشكلة لصبيان عامية بعد كل ما شافوا الزحمة زادت اللعبة مو باقي الي يخلون ليتات مال ديسكو ويصير الرقص

انا اروح في السنة حسنة وما ادش بعد من باب الرئيسي للسيف ادخل من باب السينما اطالع الفلم وانا طالع


وتحياتي

 

[حنين الشوق]

مشاركة: مجمع السيف .....

الصراحة خوش موضوع على الاقل اتصير حركة في المنتدى اشووي
واني بنسبة اليي ماطبيت السيف ولا ابي اطبة مدام في شي بديل اقدر اروحه ليش اروح مكان
اعرف عنه منتشر فيه سوالف وحالته حالة
وابوويي مايطيق اروح لان مال .. ما يحتاج اقوول
وارد اشكرش خيوو

 

[مصباح الدجى]

مشاركة: مجمع السيف .....

انا لو مافي سينما في مجمع السيف ما اطب ..

انا اروح التقي ويا ربعي .. نحجز حق فلم و نتعشى و بعدين ندور شوي .. علما يجي وقت العرض ..

اما سالفة المغازل تركها عنك ..

يلا تحياتي

 

[الشوق]

مشاركة: مجمع السيف .....

بصراحة اني دايما اروح اتسوق من هناك
بس عمري ما لقيت الشي اللي قلتوا عنه

ستراوية انتين تقولين انه فيه و فيه و فيه و انتين ما رحتين .. شلون؟؟؟

و الباقي بعد

شلون تقولون و انتون ما رحتون

اني ما انكر انه في الكثير من الشباب المراهقين

و البنات الصايعين

لكن البنت المحترمة نفسها و صاينة نفسها ما بيتجرأ احد انه يجرح حياءها

او يقطع عليها اي كلمة او يسوي لها اي حركة

اني دايما اروح مع اخواتي
لكن عمري ما احد تجرأ انه يقطع علي كلمة او يسوي لي حركة

اتسوق و اطلع

 

[روان]

مشاركة: مجمع السيف .....

لا خيرة الله لا في المجمع ولا في اللي سواه

دام خلفوه امسونه وش تتوقعون منه

هههههههههه

 

[لا يوم كيومك]

مشاركة: مجمع السيف .....

أنا ما أروح السيف واجد ،،
اكثر شي في الدانة والبحرين
حليوين وهادئين

واذا اروح السيف ويا الشباب نتلاقى ونبسط نلف ونقز ونتمسخر ونتعشى وساعات ندش فلم ومستحيل اروح أتسوق (بحراني شتتوقعون) كل شي غالي جوتي ب 80 دينار

باختصار مجمع مصخرة

بس فن تروح تتطنز عالبنات اللي حاطين على وجوههم كيلو ميك اب جنهم رايحين عرس
وكل وحده منهم احلى من السبالة بشوي ورايحة تتدلع هناك



تحياتي

 

[The Master]

مشاركة: مجمع السيف .....

لا يوم كيومك خوي اشكرك على الرد
لكن البنات الصيع كلما شافوا انه شخص يطنز عليهم زادوا اكثر لانه حسوا انهم يثيرون النظر لكن لما ما تعطيهم اي نظرة منك يكون افضل.

وهي في الحقيقة ماتسوى حتى تنظر إلى وحدة من هالصيع

 

[اسيرة الحزن]

مشاركة: مجمع السيف .....

اني ما اليي بالسيف مو من صوبي بس رحته

 

[The Master]

مشاركة: مجمع السيف .....

يسلمووو على الردود

لكن الصراحه الموضوع شيق وحلووو وخاصة نشوف اراء بعض الاعضاء

 

[أميرة الأحزان]

مشاركة: مجمع السيف .....

لا يوم كيومك خوي اشكرك على الرد
لكن البنات الصيع كلما شافوا انه شخص يطنز عليهم زادوا اكثر لانه حسوا انهم يثيرون النظر لكن لما ما تعطيهم اي نظرة منك يكون افضل.

وهي في الحقيقة ماتسوى حتى تنظر إلى وحدة من هالصيع

صحيح

 

[نجمة الأحزان]

مشاركة: مجمع السيف .....

اني ما اليي بالسيف مو من صوبي بس كم مره رحت او عشان ادخل فلم
في السينما

 

[ستراوية]

مشاركة: مجمع السيف .....

مشكورين على الرد الحلو
اما عني لو اروح السيف جان شدخوني البيت
ولا مره طبيته الصراحه خخخخخخخ

 

[خادمة الحسين]

مشاركة: مجمع السيف .....

مشكورة خيووو على الموضوع ..

ليش بالذات السيف ؟؟؟ السيف مجمع حاله حال المجمعات .. بس قصدج الناس الي فيه هم الي خربو سمعته .. اني اقول الوحدة العدلة وين ما اتروح عدلة حتى لو السيف مو شرط تروح للمغازل مثل ما قلتين .. ممكن يكون للتسوق او الترفيه ...

تحياتي
خادمة الحسين

 

[محبوب]

مشاركة: مجمع السيف .....

انا دخلت مرة وحدة وانصدمت

بعد دخلته الصبح مو المغرب ولا الليل

مايسوى

بس احين دكان عجبني هو مال الاكترونيات

يعني ...
الممجمع فاشل والي سوا مو شريف
وشكراً

تحياتي

محجوب