اللي يبي يدش يدش .. واللي ما يبي يدش مع انه ما دش .. واذا دش بينحش ..

[amoola]

[align=center]

هــــــــــــــــ وغـــــــلا باللي دش ــــــــــلا

ادري بكم العنوان لفت انتباهكم
جرب تقراه مره ثانيه

اللي يبي يدش يدش .. واللي ما يبي يدش مع انه ما دش .. واذا دش بينحش ..

حلوه صح هههههههههه .. اكيد حلو كل شيء من أموله حلوه
احم احم اونه مصدقه عمرها :
والحين خلونا ندش بصلب الموضوع
اكيد كل واحد يدش حاط بخاطره اني حاطه نشيده
هيه صح وياكم حق
بس مب اي نشيده حيالله .. لا هالمره شغل عدل
فكرتي في هالصفحه المتواضعه اني اعرض لكم مجموعة اناشيد انجليزيه من فتره لاخرى
بتسالــــــــــــــــوني : منو المنشد يا أمــــــــــوله ؟؟؟؟؟
ونا برد عليك احم احم اكيد منشدي المفضلين
يوسف اسلام او زين:wink1:
وحيالله اي حد ثاني صوته حلو وكلماته احلى:whistling

امممممممممممممممممممممم
ما اتوقع انه في حد في هالزمن ما يعرف منو يوسف اسلام
واللي ما يعرف لا يولول ولا يفكر ولا يشب راسه ولا يقول شنو قاعده تقول هذي بعد .. بقولكم بطريقه سطحيه ..شوية معلومات عنه
الاسم الحالي يوسف اسلام ..
واسمه السابق كات استيفنس ( Cat Stevens)
بريطاني الاصل .. وكان مغني مشهور جدا قبل اسلامه .. ودخل ديانات وايده لين ما ربنا هداه للاسلام وقلى فيه الراحه وطمأنينه
وبعد ان اعلن اسلامه وهجر الفن والنغاء صار انقلاب في بريطانيا حزنا عليه
بعـــــــ :hmm: ـــــد يا ربي
وفي الوقت الحالي له مدرسه اسلاميه في بريطانيا وفي لندن تحديدا ظني وهي للاطفال وهو مدير فيها .. وله ايضا تسجيلات اسلاميه خاصه بأناشيده فقط ..
وبالنسبه لاناشيده هو اللي يألفها أكثر شيء وهي بسيطه جدا بكلماتها ولكن قويه بمعانيها وتتميز بأنها عربيه وانجليزيه يعني بلغتين .. وله اناشيد اطفال حلوه للابجديه ولتعليمهم اساسيات الاسلام... واناشيده يحبها الصغار والكبار وهذي اكبر ميزه فيها وبالذات لو جربت تنشدها لطفل تلاحظ انها تلفت انتباهه بشكل رهيب .. سبحان الله
واما بالنسبه لزين فهو من جنوب افريقيا صوته يتميز بالرقه وعذوبته وهو تلميذ يوسف اسلام .. وياخذ من كلمات يوسف اسلام في اناشيد وجمعتهم مهرجانات وايده قدموها ويا بعض
هــــــــــــــــاه اخيرا خلصت
واتمنى اني وصلتلكم المعلومه .. انفـــــــــع اكون مدرسه .. مع اني ما اداني:annoyed:

اكيــــــــــــد الحين قاعدين تتسألـون بأي نشيده راح ابدأ وياكم
فديتكم لا تتسألون ولا تحتارون .. ما ابي يطلع لكم شعر ابيض وتشيييبووووون ونتوا في مقتبل حياتكم بسبت اموله :
و اول نشيــــــــــــــده راح تكون
Give Thanks To Allah

ولأي شخص يبى يتفاعل وياي يا هلا ومرحبا فيه حياه الله
وانتوا قاعدين تسمعون النشيده طالعولكم الصور
ويالله ويا النشيده الاولى وبســـــــم الله[/align]
[rams]http://www.geocities.com/alshaer41/14.ram[/rams]

[align=center]قبــــــــــــــــــل اسلامــــــــــــه

بعــــــــــــد اســــــــــــــلامه

ظني في لقاء تلفزيوني

مع عياله حلوين أولاده ما يشبهون ريطانيين[/align]

 

[الشاعر]

مشاركة: اللي يبي يدش يدش .. واللي ما يبي يدش مع انه ما دش .. واذا دش بينحش ..

مشكووووووووووووووره اموله ويعطيك الف الف عافيه
وونشكره ونحمده على نعمة الاسلام الله سبحانه وتعالى
اهو مغير الاحوال من حال الى حال
والنشيد وايد حلو

 

[عاشقة الحسين]

مشاركة: اللي يبي يدش يدش .. واللي ما يبي يدش مع انه ما دش .. واذا دش بينحش ..

السلام عليكم
مشاركة مميزة خيو الله يعطيج العافية

ان الله يهدي من يشاء

من هذا الى الباقي ان شاء الله بؤمنون
كلماته حلوة وصوته بعد

اكرر شكري خيو

تحياتي

 

[الشوق]

مشاركة: اللي يبي يدش يدش .. واللي ما يبي يدش مع انه ما دش .. واذا دش بينحش ..

مشكووووووووووووووره اموله ويعطيك الف الف عافيه
وونشكره ونحمده على نعمة الاسلام الله سبحانه وتعالى
اهو مغير الاحوال من حال الى حال
والنشيد وايد حلو

 

[حمود]

مشاركة: اللي يبي يدش يدش .. واللي ما يبي يدش مع انه ما دش .. واذا دش بينحش ..

عحبتني واجد مشكوره على ويعطيك الف الف عافيه شئ مايعبر عن القلب

 

[ابورسول الزبيدي]

رد: اللي يبي يدش يدش .. واللي ما يبي يدش مع انه ما دش .. واذا دش بينحش ..

والله كلش حلو

 

[وردة الهوى]

رد: اللي يبي يدش يدش .. واللي ما يبي يدش مع انه ما دش .. واذا دش بينحش ..

مشكوورة خيوو
والحمدالله